කොළඹ විශ්ව විද්‍යාලය යනු ලංකාවේ City Campus එකය. එනම් ලංකාවේ විශ්ව විද්‍යාල හදුනාගැනීමේ දී එය මූලික ස්ථායක් ගනී. අද කියන්නේ එය ගැන නොවේ. එහි ඇති හරි අපූරු දෙයක් ගැන කියන්න තමා මේ උත්සාහ කරන්නේ.
මෙය ආරම්භවීමට ගන්නේ ගිය අවුරුද්දේ සිටය. එනම් 2009 වසරේ සිටය. විශ්ව විද්‍යාලයට අලුතින් ශිෂ්‍ය කණ්ඩායමක් පැමිණියේ ය. එම අවුරුද්ද වෙනතුරු නවක වදය නොතිබුනු කොළඹ විශ්වවිද්‍යාලය තුලට නැවත එය පැමිණියේ ය. මෙකී සමානත්මතාවය ඇති කිරීමේ කොළඹ වීශ්ව විද්‍යාලයේ අපූරු මෙහෙයුම ආරම්භ වනුයේද මෙතැන් සිටය.
කොළඹ විශ්වවිද්‍යාලය කොළඹ තිබුනාට එයට වැඩියෙන් එන්නේ බාහිර පළාත් වල සිට පැමිණෙන පුද්ගලයන්ය. (ශිෂ්‍ය යන වචනය භාවිතා කලයුතු නැත). කොළඹ විශ්වවිද්‍යාලයේ ශිෂ්‍ය සංගම් නායකයන්යයි කියාගන්නා අයට අනුව එසේ පැමිණෙන්නේ
පිටිසර ගම්වල අහිංසක අසරන දුප්පත් අම්මල තාත්තලගේ ළමයි ය. (මේවාගේ මිනුම් දණ්ඩ තීරණය කරන සාධක ඔවුන්ගෙන් දැනගැනීම හොදය). මෙම අහිංසක දෙමව්පියන්ගේ ළමයින්ට කොළඹ විදියට අදින්න පළදින්න මුදල් නැත. උන් ගෙවල්වලට ගොස් අසරණ දෙමව්පියන් ට, කොළඹ අය අදින ඇදුම් අදින විදියට අදින්න ආස බව කියයි. පිටින් ආපු උන්ට, කොළඹ උන් කරන style දැකල දෑස කදුලින් තෙත් කරගනී. ඒ මොකද කොළඹ පොෂ් කොල්ලො කෙල්ලො අදින ඇදුම් ගන්න උන්ට සල්ලි නැත. උන්ට එව කරන්න බැහැ. උන් ගමට ගොස් අසරණ දුප්පත් දෙමව් පියන්ට තමන්ට ද එවැනි ඇදුම් ආයිත්තම් අවශ්‍ය බව කියයි. දෙමව්පියන්ට එවැනි ඇදුම් තමන්ට අරන් දෙන ලෙස කරදර කරයි. (ඇත්තට ම දුක් කතාවක් නේද?). එසේ නම් ශිෂ්‍ය සංගම් නායකයන්යයි කියාගන්නා අයට අනුව කල යුත්ත කුමක්ද? මෙතන් සිට කියනුයේ එයට ඔවුන් දීපු අපූරු විසදුමය.
අපූරු මෙහෙයුම
මෙම ගැටලුව වූ කලී ලෝක විනාශය තරම් ලොකු ගැටලුවකි. මෙයට කලයුත්ත කුමක්ද? ඔවුන් දහඅතේ කල්පනා කරමින් ඒ ගැන සිතූහ. එක් වරම ඔවුනට විසදුම ලැබුනේ නැත. සමහර විට ඔවුන් එකිනෙකාගෙන් සමානත්මතාවය ඇති කිරීම සදහා ව්‍යාපෘති යෝජනා ද කැදවන්න ට ඇති බව සිතේ. ඒ මන්ද දැනට විශ්ව විද්‍යාලයේ බොහෝ දෙනා මෙම ව්‍යාපෘතිය සාර්ථක කරගැනීමට දරන උත්සාහය දිහා බැලූ විට, එම මෙහෙයුම එසේ බොහෝ මහන්සියෙන් තෝරාගෙන එය සාර්ථක කරගැනිමට දිව්රුම් දී ඇති බව සිතේ.වැඩි කතා නැතුව ඒ මෙහෙයුම ගැන කතා කරමු.
ඔවුන් විසින් මෙහිදී සොයාගත් වඩාත් වැදගත් දෙය නම් මෙවැනි කණ්ඩායම් 2 ක් (ගමෙන් ආපු උන්, කොළඹ පොෂ් උන්) සිටීම තුල විශ්ව විද්‍යාලය තුල
සමානාත්මතාවය නැතිවීම සිදු වී ඇත. ඒ නිසා මෙකී කණ්ඩායම් 2 අතර ඇති වෙනස නැතිකර සමානාත්මතාවය ඇති කිරීම තුල දුප්පත් අසරණ දෙමව්පියන්ගේ අසරණ දරුවන්ට සතුට දැනේ. ඒ තුල සියලු ගැටලු නැතිවී යයි.
එහි දී ඔවුන් එය තේරුම් ගත් අවස්ථාවේ නේවාසිකාගාරයේ කාමරය තුල ට වී වහලේ වැදෙන තරම් උඩපැන පැන සතුටු වන්නට ද ඇත. ඔවුන් ඒ මොහොතේ එ ම සතුට සමරා සින්දු කියමින් විනෝද වන්නට ද ඇත. මෙහිදී මේ සමගම සමානත්මතාවය විශ්ව විද්‍යාලය තුල නැතිවී ඇත්තේ ඇත්තටම ඇයිදැයි සිතන්නට ඇත. ඒ මොහොතේ මෙම යෝජනා සම්මත කරගත් ස්ථානයේ සිටි අයගෙන් එයට හේතුව ලෙස ඔවුන් සිතන දේ විමසන්නට ද ඇත. මෙහි දී කවුරුන් හෝ අයෙක් ගෙන් එයට හේතුව මතුව ඇත. ඒ මොකක් ද? ඔබට එය ගැටලුවක් ද? මෙන්න ඒ ගැටලුවට විසදුම. ඔවුන් එය සොයා ගත් දෙය නම් සමානාත්මතාවය නැතිවී ඇත්තේ ගැහැණු ළමයි තුන් කාලේ කලිසම් ( Three Quarter ) ඇදීම නිසා ය. එය ඇදීම නැවැත්තුව විට සමානාත්මතාවය විශ්ව විද්‍යාලය තුල ඇතිවන බව ද එහි දී ඔවුන් සොයා ගෙන ඇත.
සමානත්මතාවය ඇති කිරීමේ කොළඹ වීශ්ව විද්‍යාලයේ අපූරු මෙහෙයුම ආරම්භ වනුයේ මෙතැන් සිටය.
ඔවුන් එතැන් සිට විශ්ව විද්‍යාලය තුල සමානත්මතාවය ඇති කිරීමේ මෙහෙයුම ආරම්භකරයි. ඒ සදහා ඔවුන් විශ්ව විද්‍යාලයට එන පලමු වසර ගැහැණු ළමයින්ට තුන් කාලේ කලිසම් ඇදීම තහනම් කරයි. එයින් ඔවුන් විශ්ව විද්‍යාලයේ සමානාත්මතාව ඇති කිරීමේ උත්තරීතර මෙහෙයුමේ නියුක්තව සි‍ටී. ඇත්තෙන්ම එය අපූරු මෙහෙයුමක් නේද?
මේ ගැන ටිකක් හිතන්න
- තුන් කාල කලිසම් (Three Quarter ) ඇදීම පමණක් සමානාත්මතාවය බිදහෙලීමට ගැටලුවක් වේ,නමුත් ඊට වඩා කොට කලිසම් ඇදීමෙන් එයට හානියක් නොවේද?
- විශ්ව විද්‍යාලය තුල දී පළමු වසර අයට පමණක් මෙය තහනම් කිරීම තුල, අනිත් වසරවල් වල අය එය ඇදීම හෝ විශ්ව විද්‍යාලය භූමියෙන් පිටත අය තුන් කාල කලිසම ඇදීම දකින අර අසරණයි කියන ළමයින්ට දුකක් ඇති නොවේ ද?
මට සිතෙන විදිය අනුව මෙකී විශ්ව විද්‍යාලය තුල ඇති මෙම
"මෝඩ නීතිය" යනු එම නීතිය හදපු අයගේත් එම නීතිය පිළිපදින අයගේත් මෝඩකම,ගොන්කම සහ ඔලුව හොද නැති කම හොදාකාරවම පෙන්වා දෙන දෙයක් බවය.
එසේම මෙහිදී මො‍ළයක් නැති එම නීතිය හදාගත් පුදගලයන් අනිත් අයගේ නිදහසට බාදා කරන බවත්, එසේ කිරීමට ඔවුනට කිසිදු අයිතියක් නැති බව ඔවුනට නොසිතීම ද පුදමයක් නොවේ. එ මන්ද සියලු දේ තම තමන් වටහාගන්නේ ඔවුනට දැනෙන දේ අනුවය. ඒත් එසේ කිරීමට ඔවුනට අයිතියක් නැති බව සිතෙහි තබාගතහොත් මැනවි. ඒ මන්ද අනුනට ඕන විදියට කවුරුත් වැඩ කල යුතු නැති නිසාය.
(මේ සදහා තොරතුරු සැපයූයේ කොළඹ විශ්ව විද්‍යාලයේ මගේ මිතුරෙකි. ඔහු මෙහි සදහන් මෝඩ පාර්ශවයේ නොවන බව මතක් කර සිටිමි )
